سكت عن جروح قلبي لاوله**غمضت عن النفط ذي ينهب جهار
شربت كاس المر بعد البلبله**اللي عملتو لي بها فتنه وثار

صبرت عن اللي حصل بالمعجله**ضمدت جرحي ذي نزف في زنجبار
لاكن بعد اليوم ماباتحمله**لو باتصيح الناعيه من كل دار

حيشا وكلا ماقبلت المهزله**عارآ علينا اربعه مليون عار
لوكل عذراء باتصبح ارمله**او يصبحو يتمان لاولاد الصغار

هنا معاكم معركتنا فاصله**هنا هنا باتطعمون الحلو قار
هنا لكم ايام سوداء مقبله**انتم وانصار الشريعه والبوار

كل العرب تفهم بهذا المسئله**القاعده هو اسم وهمي مستعار
ماللجنوبيين فيها شي صله**لعبه ومدفوعه ثمنها ولاجار

واليوم شبوه مستعده كامله**برجالها وعتادها تقرع شرار
مابتمرر مسرحيه فاشله**ولاترجعها شبيهة قندهار

شبوه بها من قبل تضرب لامثله**الجيد له فيهم معزه واقتدار
والرث والصعلوك منا لعزله**والفسل ماله عندنا أي اعتبار

شبوه جهنم نار حمراء شاعله**ماشي سهاله كلهم باروت حار
شبوه حمم بركان شبوه قنبله**ذريه تحرقكم شديدة لانفجار

شبوه تحب الافغنه والصومله**اللي تقولوها لنا وقت السكار
شبوه صناعه للرجال الباسله**شبوه عصيه ماتحب الانكسار

شبوه الضالع والمكلا بـ اكمله**شبوه شحن شبوه عدن شبوه جعار
شبوه هيا ذي جابتك ياحنظله**واليوم شبوه باتدشركم دشـــــار

لما هنا بوصقر ختم زامله**والعفو لاشي من قداء بوصقر صار
نسيت عفوآ عاد عندي مسئله**لاهل البطون اللي مصابه بـ الصفار

وكل خائن توصله لامنزله**باللي تبيعو في البشر وظح النهار
من هوا معانا باتجيه القافله**ويلتحق من قبل مايفوت القطار

((الشاعر ابوصقر السليماني))